Monday, 31 December 2007

Richard Hawley - Lady's Bridge (2007)


Richard Willis Hawley დაიბადა 1967 წელს შეფილდში. სკოლის პერიოდში იყო ჯგუფ Treebound Story_ის წევრი. ამ კოლექტივის დაშლის შემდეგ მან დიდ წარმატებას მიაღწია ჯგუფ The Longpigs-თან. ამის შემდეგ ის უკრავდა Pulp_თან ერთად, რომლის სოლისტი Jarvis Cocker მისი ახლო მეგობარია. სოლო კარიერა დაიწყო 2000 წლიდან, პირველი ალბომი სახელად Richard Hawley გამოუშვა 2001 წელს, ამას მოყვა ორი არც თუ ისე წარმატებული ალბომი Late Night Final (2002) და Lowedges (2003). მაგრამ მისი პოპულარობა გაიზარდა ბოლო ორი ალბომის გამოშვების შემდეგ, იყიდება მრავალი კოპია და რიჩარდიც უკვე საკმაოდ ცნობილი ხდება. 2005 წელს გამოშვებული Coles Corner, მსმენელზე დიდ შთაბეჭდილებას ახდენს ხოლო 2007 წელს გამოშვებულმა ალბომმა Lady's Bridge-მა, რიჩარდს უდიდესი წარმატება მოუტანა რითაც აღინიშნება 6ე ადგილი ბრიტანეთის Album Chart_ში.
რუსთავი 2ზე გადიოდა ხოლმე ამ კაცის კლიპები და მეც ვუყურებდი სიამოვნებით, თან დიდი სიამოვნებით. მომწონს ამ კაცის შემოქმედება, აი ვითომ ქანთრიში გადის მაგრამ ფოლკი და სინ ლაივია.

გადმოწერეთ

Sunday, 30 December 2007

Kings Of Convenience - Riot on an empty street 2004


განსაკუთრებით სახელი მომწონს ამათი Kings Of Convenience (სიმყუდროვის მეფეები, უმნო:D ) დანარჩენი ალბომებისგან განსხვავებით, ნორვეგიული დუეტის ეს ბოლო ნამუშევარი განსკუთებით მომეწონა. სამშობლოში ალბომმა მეორე ადგილი დაიკავა ჩარტებში, ხოლო ბრიტანეთში 49_ე ადგილი აიღო. ჩაწერაში მონაწილეობას იღებდა კანადელი მუსიკოსი Feist. ნუ მეტს რას ვიტყვი, სიმღერებიდან გამოვარჩევდი Cayman islands, I'd rather dance with you, Misread, Stay out of trouble. მოკლედ მთლიანად ალბომი გამოვიდა მშვენიერი, რაც მთავარია ადვილად მოსასმენია.

გადმოწერეთ

Thursday, 27 December 2007

Ray...

ეს ადამიანი პირველად გავიცანი 2007 წლის ოქტომბერში. ვიცოდი და ვგრძნობდი რო ეს მუსიკა შემიყვარდებოდა ძალიან. თავიდან ხშირ ხშირად ვუსმენდი და ნელა ნელა ვითვისებდი ამ კაცის საოცარ ხმას, მაგრამ იმის მერე დღე არ გადის ამ ადამიანს რო არ მოვუსმინო.

ისეთი ტკბილი, ისეთი ნაზი და ისეთი მელოდიური მუსიკა აქვს რომ ნორმალურად თუ მოუსმენთ ყველას მოგეწონებათ. არასდროს არ მინდოდა დავმსგავსებოდი ვიღაცას, მინდოდა ვყოფილიყავი როგორიც ვარ, მაგრამ ეხლა ვიცი რო აი ასეთი ადამიანი მინდა გავხდე, ასეთი მუსიკა დავწერო, ასეთი გარეგნობით. მინდა მოგიყვეთ ერთი ამერიკელის ისტორია რომლის მუსიკალური კარიერა უეცრად დაიწყო. მაშ ასე ისტორია Ray_ზე.

Ray LaMontagne დაიბადა 1974 წელს ქალაქ ნეშუაში, შტატი ნიუ ჰემფშირი. ბავშვობა უინტერესო ჰქონდა. მთელი დღეები ტყეში იჯდა და ფანტასტიკურ ნოველებს კითხულობდა. განათლება მიიღო ქალაქ მორგანის უმაღლეს სკოლაში, შტატი იუთა. სწავლის მხრივ ის არც ისე ბეჯითი იყო. მან ეს სასწავლებელი ძლივს დაამთავრა. სწავლის დამთავრების მერე ოჯახი მიატოვა და სამუშაოს საძებნელად ქალაქ ლევისტონში (მეინი) გადავიდა.

მუშაობა დაიწყო ფეხსაცმლის ფაბრიკაში და მუშაობდა კვირაში 65 საათი. ერთ დღეს სამსახურიდან დაბრუნებულმა რადიოში მოისმინა Stephen Stills_ის სიმღერა Treetop Flyer. მთლიანი ალბომის მოსმენის შემდეგ გადაწყვიტა მიეტოვებინა სამსახური და მუსიკოსის კარიერა დაეწყო. ჩაწერა რამოდენიმე სიმღერა და ჩანაწერი გაუგზავნა სხვადასხვა ლეიბლებს. აქედ დაიწყო მისი მუსიკალური კარიერა როგორც Singer-songwriter_ის. გამოუშვა ორი ალბომი და რამოდენიმე EP

ალბომები:

Trouble - 2004 y.

Genre: Folk, singer-songwiter

Track list:

"Trouble" – 4:01
"Shelter" – 4:36
"Hold You in My Arms" – 5:06
"Narrow Escape" – 4:39
"Burn" – 2:54
"Forever My Friend" – 5:44
"Hannah" – 5:42
"How Come" – 4:32
"Jolene" – 4:10
"All the Wild Horses" – 3:16

download

Till the Sun Turns Black - 2006 y.

Genre: Folk, singer-songwriter


Track list:

"Be Here Now" – 6:23
"Empty" – 5:17
"Barfly" – 3:55
"Three More Days" – 3:36
"Can I Stay" – 3:41
"You Can Bring Me Flowers" – 4:12
"Gone Away From Me" – 4:27
"Lesson Learned" – 4:39
"Truly, Madly, Deeply" – 1:52
"Till the Sun Turns Black" – 4:28
"Within You" – 5:43

download

Tuesday, 25 December 2007

Top 10 albums of 2007 (4me)

ეხლა ჩამოვწერ ჩემი გემოვნების და მიხედვით 2007 წლის ათ საუკეთესო ალბომს. არა აქვს მნიშვნელობა რომელია პირველზე და რომელია ბოლოზე, ჩემთვის ისინი უბრალოდ საუკეთესონი არიან

1) Radiohead - In Rainbows


2) Arctic Monkeys - Favourite Worst Nightmare


3) Interpol - Our Love To Admire


4) Babyshambles - Shotter's Nation


5) Kaiser Chiefs - Yours Truly, Angry Mob


6) The Maccabees - Colout It In


7) Yeti - Yume!


8) Travis - The Boy With No Name


9) Albert Hammond, J.r - Yours To Keep


10) Mando Diao - Never Seen the Light of Day


to be continued...

Friday, 30 November 2007

უჰუჰუუ აცივდაა ბრრრ


მეცხრამეტე ზამთარს მოვესწარი, მალადეც. ეე ნეტა კაი თოვლი მოვიდეს ამ ზამთარს, იგუნდავებს ქე მაინც კაცი. ისე ზამთარი ყველაზე შინაურული დროა. სწორედ ამ დროს გაახსენდები მეზობელს როცა მოვა ანთებული თვალებით და გთხოვს: " ერთი ძმურში გვერდებს გავითბობ შენს ღუმელთან"_ო. ამ დროსაა კარგი სტივენ კინგის და პიტერ სტრაუბის კითხვა ღუმელთან და ამ დროს გარეთ მაგრა თოვს, ამ დროსაა კაი როცა კეტები მეყინება თითებთან ერთად, ხოოდა ყველაზე მთავარი: "ნოვი გორ პრიშოლ, სააკაშვილი უშოლოო". სულ უფრო მეტი აშხვართული ადამიანი გენახოთ ამ ზამთარს. თბილად ჩაიცვით

Wednesday, 28 November 2007

უფასო ჩახუტებები



მსოფლიოს თითქმის ყველა დიდ ქალაქში ჩაატარეს აქცია სახელად "Free Hugs". პლაკატით ხელში დადიხარ ქუჩაში და ხალხს სთავაზობ ჩახუტებას. ზოგი გეხუტება ზოგი არა. ამით ხალხს დაანახებ რო უნდა ვიყოთ ერთად და უნდა გვიყვარდეს ერთმანეთი :P ძალიან გამიხარდა როდესაც გავიგე თბილისშიც ჩაუტარებიათ ესეთი აქცია თან არა ერთხელ. ერთ ერთი აქცია ჩატარდა რამოდენიმე კვირის უკან. ვიდეო როდესაც ვნახე დავრწმუნდი თუ რა კომპლექსიანი ხალხი ცხოვრობს საქართველოში, ყველა რო აგდებულად და დაცინვით უყურებდა აქციის მონაწილეებს. მაგრამ იყვნენ ისინი ვინც დიდი სიამოვნებით ეხუტებოდნენ. აი გუშინაც გაკეთდა Free Hug აქცია და კიდევ უფრო გამიჩნდა სურვილი გამეკეთებია ეს აქცია აქ, ბათუმში. ვიდეო კამერა ვითხოვე და ჯერ არავის არ მოუცია, მაგრამ ჯანდაბას მაგის გარეშეც გავაკეთებ. უბრალოდ მინდა რო ეს ყველაფერი ფირზე დაფიქსირდეს. Free Hug everyone!!!

აქ ნახავთ ვიდეოს

ე.წ ლოგარითმული პარადოქსი :))


მათემატიკა!!! საგანი რომელიც არ მიყვარდა არასდროს, ნუ კლარა მასწავლებლის ხელში რა იქნება (ძალიან მაგარი ადამიანი)
მაგრამ გაკვეთილებზე ის გადაიქცეოდა ზებუნებრივ არსებად, აი როგორ ვთქვა ანდრომედადან გადმოგდებულ, ფესვში აყვანილ უცხოპლანეტელად. ეხლა მთლად უვიცი არ ვიყავი მათემატიკაში, რაღაც რაღაცეები ვიცოდი, მაგრამ არ მომწონდა და რა მექნა. ყოველი თემა, ყოველი აქსიომა თუ რაღაც მეზიზღებოდა სასტიკად. ალგებრის სახელძღვანელოს ბოლო თემაა ლოგარითმები, ხოდა აი უზომოდ შემიყვარდა ეს გაკვეთილი. გავუგე ყველაფერი და ამიტო მთელი გაკვეთილები დაფასთან მე ვიყავი ატუზული. ისე ამაყად გამოვდიოდი :))) უბრალოდ ეს მაკვირვებს არასდროს არ მყვარებია მათემატიკა და სწავლის დასასრულს, ორი თვე იყო დარჩენილი სკოლის დამთავრებას ისე მაგრა გავუგე რო არ ვიცი რა.
კლარა მას! ვერანაირი აქსიომა თუ წესი ვერ ამოგშლით ჩემი მეხსიერებიდან, მიყვარხართ უზომოდ

Tuesday, 27 November 2007

The first impression


წარმოიდგინეთ Backstreet Boys_ის მსმენელი ქართველი ბიჭუნა ლეტ გდეტა 13-14 (ეს ის პერიოდია როდესაც მუსიკალურ ბიზნესში ბოი ბენდების ხანაა მოსული, N'sync, Westlife და ა.შ) ვერ წარმოიდგენთ როგორ გამიტაცა ამ ჯგუფმა. ვიცოდი ყველა სიმღერის ტექსტი ზეპირად, პლაკატები და ა.შ. მაგრამ, მოვიდა დრო რევოლუციისა ჩემს მუსიკალურ გემოვნებაში. ეს მოხდა 2002 წლის ზაფხულზე, დავალებას ვწერდი და ამ დროს ტვ_ში გადის რაღაც ძაან საყვარელი სიმღერა, მახსოვს სიტყვები დავიჭირე "look at the stars, look how they shine for you", და ეს იყო კაკ გავარიტსა love at the first sight. ნუ რასაკვირველია ჯერ ვერ მივხვდი ვინ მღეროდა ამ სიმღერას და კლიპის ბოლოს ამოვიდა ნაწერი. სიმღერის სახელი Yellow და ჯგუფი Coldplay.

Coldplay - Yellow აქ შეგიძლიათ ნახოთ ეს ვიდეო

ბუდიმ ვსპამინაც :D

მოკლედ ძაან ბევრი რამ მოხდა ამ წლების განმავლობაში და შევეცდები ნელა ნელა დავდო ყველაფერი. ადრე ვფიქრობდი მეთქი დღიურებს გავაკეთებ მაგრამ რატომღაც ვერ მოვაბი თავი. რავი მგონი დაგაინტერესებთ ერთი ცოდვილის ისტორია, ნუ იმედი მაქვს. ასე რომ ბუდიმ ვსპამინაც ;)

მოვესწარი ბლოგის შექმნას :)


ნუ როგორც იქნა გავაკეთე ჩემი ბლოგი. დიდი ხანია მინდოდა ესეთი პატარა კუთხე კუნჭული მქონოდა, სადაც ვილაპარაკებდი ყველაფერზე რას მაინტერესებს და რა საკვირველია რაც საინტერესო იქნება თქვენთვის. რო იცოდეთ როგორ მშურდა სხვის ბლოგებს რო ვხსნიდი :) რა ლამაზად აქვთ ყველაფერი, შინაურულად, ოჯახურად, ძმურში, დურში და რა ვიცი. მოკლედ ავშენდი :D